بويعقوب.. مشرف المنتدى العام
عدد الرسائل : 524 العمر : 33 الموقع : http://www.bahrain2day.com تاريخ التسجيل : 11/05/2008
| موضوع: ~~ >< اســــــــــــئــــــــــــلـــــــــة ؟؟؟ >< ~~, الإثنين مايو 12, 2008 5:17 pm | |
| اول شي ابي اعرف شنو خطوات دخولك للمنتدى بالترتيب ؟ يعني وين تدش اول شي و بعدين وين .... ؟
اكثر قسم يهمك في المنتدى شنو ؟
قط مرة جفتوا موضوع عدد الردود فيه اكثر من عدد القراء (شرط ان تكون الردود اكثر من 20 رد) ؟ اذا جفتوا بليز حطوا لي "اللنك" مال الموضوع لان خاطري اجوف هالمعجزة ؟ او على الاقل مو شرط تكون الردود اكثر على الاقل الفرق قليل بينهم ؟
انزين على اي اساس تردون على اي موضوع ؟ هل تجوفون من كاتب الموضوع عقب تردون ؟ او تردون على حسب عدد الردود ؟ او اذا جذبكم عنوان الموضوع تدشونه ؟ او طريقة كتابه العنوان ؟ او انت من االنوع اللي تدش اي موضوع يديد ؟
انزين الحين دشيت الموضوع و قريته .. على اي اساس ترد يعني شنو الي يخليك ترد بالضبط ؟ الاسلوب ؟ او الالوان ؟ او مضمون الموضوع ؟ او لان ربعك كلهم رادين عليه ؟ او انت ترد على اي موضوع يديد ، او اي شي ثاني ؟
اذا دشيت موضوع وجفت ان طويـــــــل هل تكمله ولا تطلع على طول ؟
دشيت موضوع و عجبك و ييت تبي ترد .. هل تقرى الردود اول شي عقب ترد ، او ترد عقب تاخذ فرة على الردود ، ولا ترد وانت طالع حتى ولاتعبر الردود اللي قبلك ؟
اي نوع من المواضيع اللي تعجبك ؟
اي نوع من المواضيع اللي ما تعجبك ؟
اذا دشيت موضوع و كان في اسئلة يعتمد جوابها على كلمة نعم او لاء ، هل ترد على قد السؤال بنعم او لا او تحب تعلل جوابك ؟
اذا جفت موضوع كاتبه واحد من ربعك .. دشيته جفت ان الموضوع بايخ .. هل تجبر روحك على الرد لان رفيجك .. او تطنش الموضوع وتلتزم بالقراءة بس ؟
اذا كتبت موضوع معين هل تدش تقره الردود بتمعن ولا تدش و تقره على السريع و لا ما يهمك هالشي و يمكن اصلا انك ما تمر على الموضوع ؟
اذا كنت راد على موضوع معين هل تطل على هالموضوع عقب فترة عشان تجوف من موافقك الراي ومن معارضك ؟ و من علق عليك ؟ ومن ؟؟ و من ؟؟
هل يهمك رد راعي الموضوع ولا عادي ما تركز ؟
انزين في النهاية بصراحة شاللي خلاك تدش هالموضوع و ترد عليه ؟
^^ تحياتي بويعقوب ^^ | |
|
مستر ستايل عضو برونزي
عدد الرسائل : 654 العمر : 38 تاريخ التسجيل : 12/08/2008
| |