والـلـه خـمـه !!

بسم الله الرحمن الرحيم

من زمان ماكتبت لكم موضوع وفكرت بهالموضوع الي فيه مصير الامه الاسلامية<<<<قوية مصير الامه ...

المهم ادخل في الموضوع وباكلمكم بالعامي لان هاي يوصل لكم اسرع من الفصحى

الله يسلمكم الشباب المتناثرين في الشوارع ..

الي يغازل ..
والي يسهر لي جريب الفير ومن اذن دش البيت ينام لا صلاة ولا هم يحزنون..
والي لابس له هاللووست اغراضه كلها تطلع حسبي الله على من كان السبب
والي صايع ومرافج له ألف وحده
والي والي ...

واول مايشوفونهم الكبار(اقصد بالكبار الي اكبرهم سنا ورزانه) يقولون والله خمه ...!!!
ليش عاد ..ولما نسأل هالكبار انت حاولت تسمعهم؟؟حاولت تنصحهم؟؟يقولك لا هاي يبين عليهم ملاسين ومانتنزل نكلم هالخمه المتيامعه

انزين ليش؟؟؟!!!! اذا انتو يا الكبار والفاهمين ماقعدتو وسمعتو هالشباب ...مافهمتوهم....مانصحتوهم..اشلون بالله تبونهم يتعدلون؟؟!!!اشلون بالله تبون يصير هناك احترام بينكم وبينهم!!!

هاي اهو عيبنا احنا ...بتستغربون لما قلت احنا باقول لكم ليش احنا عقب اشوي نطرو علي
المهم هاي عيبنا لا شباب ينصحون شباب ولا كبار ينصحون شباب الا ماندر...
واذا بينصحون في الاغلب يتبعون اسلوب التهديد وهاي اسوء اسلوب في التربيه والتعليم والنصيحه...

الحين نرجع لكلمة احنا ..اي احنا ليش مستغربين احنا الشباب الواعي حق بعض الامور ليش مانكلم الشباب الي في سنا وننصحهم؟؟ليش مانيلس معاهم ونسمعهم...

ترا اغلب هالشباب الصيع عندهم نقص في بيتهم نقص في بعض المشاعر عندهم وقاعدين يسدون هالنقص بالاسلوب هاي

الحين انيي للخلاصه ..انتو يلي تقرون حاولتو تتكلمون بس تتلكمون؟؟
حاولتو تسمعونهم؟؟
بالاول انتو منهم؟؟
هل تعتقدون الي قلته صحيح؟؟
عندكم حلول للمشكله الكبيرة ..عاد حلول معقولة نقدر نطبقها صج مو اي حلول...

يلا في انتظار مشاركتكم وكونو نقاشيين بليييز مانبي شكرا ويسلمو وطختها
منقــــــــــــــــــول

تحياتــــــــــــــــي ,,,

وين ردود يا اعضاء .... Sad