شعر جميل للشاعره المبرقعه ..

بسم الله الرحمن الرحيم

شعر جميل جدا لشاعره المبرقعه

ياعين من حطيت عيني بعينه .... وابطيت واقف في بحر عينه أموج

ابحرت في عينه بليا .. سفينه .... سجيت فيها لين ضيعني الموج

حاولت .. الد الشوف عما يهينه .... ولاانتبهت الا وانا فيه ملبوج

شفت الفتن في ملتقى حاجبينه .... والسحر في عينه مع الزين مدموج

اسود سواده لابسته السكينه .... وابيض بياضه طايش اللون مرجوج

زاويه طرف ٍ حاجز ٍ دمعتينه .... لولاه كان الخد بالكحل ممزوج

كاسيه رمش ٍ زاد ملحه وزينه .... من فوق متكحل ومن تحت مدعوج

بين الرموش السود شفت الغبينه .... واللي رماه الرمش ماعاد له بوج

مرت ثواني من حياتي ثمينه .... وانا اتهادى بين الاشواق وأدوج

مرت وانا قابض على راحتينه .... واقف مقابل له وساهي ومدلوج

مدري وش اللي صار بيني وبينه .... والقلب ماردنه ضلوعي العوج

ولا انتبهت الا بسحبت يدينه .... قال انت تبغى الناس تلحقني هروج

قلت اعذر اللي شافك الله يعينه .... يبطي ودمعه بعد فرقاك مزعوج

عينك بنظرات الغلا مستهينه ؟؟... قال الغلا في داخل القلب منسوج

قلت الوعد قال ايه .. كلش بحينه .... الله يفتح لك من الضيقه فجوج

قلت آآه .. طيب شف لي الدرب وينه .... قال انتبه باقي على شفتك روج

اهديه حقكم يا اعضاء منتدى كرام

تحياتـــــــــــــــــــــي

واااااااااااااي روعة و يعطيك الف الف عافية

يسلموووووووو اخوي ع الشعر الروعه

ويعطيك العافية:
:"فديت اللي يفداني:"

الله يسلمكم خواتي وشكرا على مرور

تحياتـــــــــــــــــــي ,,,

انا مب اخت احد اوكي ههههههههههههههه

الله انتي مو اخت احد اوكي الي ايريحج كشخه Mad

لا نادي كشخة او محرقية ما احب الالتزام يازعم الادب ينقط منك اختي شنو اختي <<<<<<<اتغشمر