قصيدة واحد يطلب من اخوه يتزوج حبيبته بعد موته

هذي وصيت واحد اسمه ( خالد ) بعد ماعرف انه ماباقي من عمره الا ايام بسبب المرض
وكتب وصيه لأخوه يطلب منه يتزوج حبيبته ...

وصاتي لك من بعـدي تمـوت فيهـا علشانـي
أبيها تعيش وتحيا بك وأظـل بالذاكـرة مفقـود

وصاتي لك تنسيها ملامـح وجهـي وتنسانـي
وتعزفها قصيدة حب على عكس اللي عزفته بعود

وصاتي لك تبعدهـا عـن أشعـاري وقيفانـي
تراها مغرمه بالحيل ويشهد لي عـدد الـردود
وصاتي لك تسايرها ترى فيهـا مـن أحزانـي
طلبتك لا يضيق بالك طلبتـك والطلـب مـردود

وصاتي لك تناديها حياتي .. عمري ..أزمانـي
أنـا عودتهـا دايـم ادلعهـا وانـا مـوجـود
وصاتي لك تعاملهـا بطيبـه قلـب واحسانـي
تراها تـذرف الدمعـة ودمعتهـا بليـا حـدود

وصاتي لـك تحفظهـا سـور وآيـات قرانـي
وتخبرها عـن الميـت رحـل لايمكنـه بيعـود

وصاتي لـك ترسمهـا علـى قبـري وأكفانـي
أبيها لوحة تبقى علـى طـول الزمـن محـدود

وصاتي لك تمازحها وتشوف الضحك بأسنانـي
سعيتك ياصحك هالكون طلبتك لا تصير جلمـود

وصاتي لـك تقهويهـا مـن دلالـي وفنجالـي
تراها تعشق السمـرا ويكفيهـا دخـون العـود

وصاتي لك تركبها على خيلي وعلـى حصانـي
وربي فارسة من قبل شهادة مـا هـي لشهـود

وصاتي لـك تسفرهـا بـلاد الشـام ولبنانـي
ترى يحلالها تقطف وردة ورده من بلد الـورود

وصاتي لك تراقصهـا علـى الحـان رحبانـي
ترى فيها عرق خالة وفيها من جنون السـود

وصاتي لك تحببهـا فأبـو نـورة بعـد هانـي
وتنسيها ندم غلطة أنـا فيهـا تـرى المقصـود

وصاتي لك تكرههـا فـي تاريخـي وعنوانـي
أبيها تلعن اللحظة وتلعـن كـل فـرح موعـود

وصاتي لك تكلمها عن المجني وعـن الجانـي
وتخليني انا الظالم وانـا مـن حـرق الأخـدود

وصاتـي لـك تشبهنـي بـدم أحمـر قـانـي
وانا هالقاتل السفاح مجرم من عصـر نمـرود

وصاتـي لـك تحلفهـا تتـوب تحبنـي ثانـي
ترى يكفيها ما عانـت ويكفـي حيلهـا مهـدود

وصاتي لـك تنسيهـا وصيـة قالهـا لسانـي
انا اخبرك رجل موقـف وانـت قدهـا وقـدود

ياخوي ما لقيت غيرك يعرفها وشلون تنسانـي
أمانه ضمها بقلبك وقولها خالد ... رحل ما يعود

الااااااااااااااااااااه عالشعر الروعة

يعطيج العافيه اختي ماقصرتي

روعــــــــــــــــــــــــــــــــــــــــــــــــــــــــــــــــــه والله يعطيج العافيه يا اختي وانا عجبني هاي المقطع

وصاتي لك تراقصهـا علـى الحـان رحبانـي
ترى فيها عرق خالة وفيها من جنون السـود

والله روعه ونتظر يديدج يا اختي

تحياتـــــــــــــــــــــــــي ,,,

فديت اللي يفداني كتب:: الااااااااااااااااااااه عالشعر الروعة

يعطيج العافيه اختي ماقصرتي

الله يعافيج او شاكره لج تواجدج منوووووره يالغاليه

مستر ستايل كتب:: روعــــــــــــــــــــــــــــــــــــــــــــــــــــــــــــــــــه والله يعطيج العافيه يا اختي وانا عجبني هاي المقطع

وصاتي لك تراقصهـا علـى الحـان رحبانـي
ترى فيها عرق خالة وفيها من جنون السـود

والله روعه ونتظر يديدج يا اختي

تحياتـــــــــــــــــــــــــي ,,,

الله يعافيك خيوووووو يسلمووووووووووووعلى المرور يعطيك الف عافيه

يسلموووووووووووووو والله روووعه وذوووق بس اشوي يصيح الله يعطيج العافيه وعسااج ع القووه
وننتظر جديدج

انتي الروووعه يعطيج الف عافيه على مرورج منوووره يالغلا

تسلمين اختي ع الشعر ويعطيج العافيه
نتريا يديدج
تحياتي
بنــ العمه ــت

الله يسلمج ويبخليج او شاكره لج تواجدج منووره