اسف انا في حبي لك تسرعت !!

آسف أنـا فـي حبـي لـك تسرعـت
... ظنيت ألاقـي فيـك شـيٍ فقدتـه

كنت أحسبك مجروح مثلـي تولعـت
... جربت فرقى شخص قلبـك وهبتـه

كنت أحسبك من مرّ جرحك تجرعـت
... حبيت فيك أحسـاس طفـلٍ لمحتـه

لو قلت آآآه بوسط روحـي توجعـت
... ولو شفت دمعاتك شعوري سكبته

ولو تطلب عيونـي ابـد مـا تمنعـت
... وأعطيك قلبي لو بعد مـا طلبتـه

وصلت بـك أعلـى مكـان وتربعـت
... وفي قلب غيري ياالغضي ما وصلته

واصبر على صدك وأشوفك تدلعـت
... واعطيـك ود مـا أظنـك حسبتـه

أذهلتنـي بطباعـك اللـي تطبعـت
... حتى قصيدي فيك ابد مـا فهمتـه

لو كان غايتك حروفـي فانـا بعـت
... وافرح بجرح الشاعر اللي جرحتـه

يكفي قهر في جيتي لـك تواضعـت
... تركت غيرك لأجل عينـك وبعتـه

ياليتنـي عـن حـب مثلـك ترفعـت
... ياليت قلبي قبـل أعرفـك دفنتـه

لكن أببعـد دامنـي بـك توهقـت
... الله يرحـم حبنـا اللـي ذبحـتـه

أنا شريت الود والحيـن أنـا بعـت
... وأنا عطيتك قلبـي اللـي قهرتـه

في يوم جيتك أطلبـك ود وأقنعـت
... نفسي بأنك شخص عـادي عرفتـه

كمل حياتـك مثـل مـا أنـا توقعـت
... تبقى أسير الماضي اللـي فرضتـه

ولا يحزنك إنـي غلطـان وتراجعـت
... حولك بدالي ألف شخـصٍ عجبتـه

أما أنـا لا يمكـن اخضـع ولا طعـت
... يحرم علي أعطيـك قلـبٍ خذلتـه

بريّحك مـن شوفتـي يومـك قطعـت
... أسلوبك اللي بـه تجامـل كرهتـه

غلطان يا المقفـى أنـا مـا تتبعـت
... غيري يتابـع خطوتـي مـا تبعتـه

ما ينحني راسـي لـو إنـي تقطعـت
... وما هو أنا لا مـن رميتـه لقطتـه

وان كان غرك كلام عذالي وطعـت
... الله يعلـم كيـف قلبـي سكنتـه

اللـي مـلا قلبـك علـي وتسمـعـت
... خله يعوض شخـص مثلـي خسرتـه

أنـا بمـا فيـه الكفـايـة تولـعـت
... واللي بقى من قلب فيني حرقتـه

بأول لقاء سلمتـك إحساسـي وضعـت
... غلطت حياتي يـوم قلبـي سلبتـه

واستسمحك بالبعد كأنـي تراجعـت
... ما عاد ابلقى فيـك شـي فقدتـه

طبعك مثل غيرك وطبعي كما كنـت
... أحب شخص ولا تركتـه،، تركتـه

وان شفتني صدفـة بعينـك تطلعـت
... ذكرتني بإنسـان غالـي فقدتـه

صح لسانج اختي

ويعطيج العافية

الله يعافيج او الف شكر لج اختي فديت الي يفداني على المرور العطر منوووووووره متصفحي يالغالي

تسلمين والله

صح اللسانج يبه

نترقب يديدج يالبدره

اختكم
لــــــزقــــــرتــــــيــــــة

الله يسلمج ويخليج
او الف شكر لج اختي لزقرتيه على مرورج منووووره يالغاليه

يه يه يه يه شي والله روعه وصح الله لسانج اختي ونتظر يديدج انشاء الله جريب

تحياتــــــــــــــــــــــي ,,,

صح الله بدنك خيوووووووووووووو مشكوووووووووور على مرووورك العطر منووووووور

يسلموووووووووو صح لسانج ولسان شاعرها
تحياتي مس فااتي

الله يسلمج خيتووو او الف شكر لج على مرورج منوووره